Երազները կառավարող հատուկ քնադիմակներ են ստեղծվել

Նյու Յորքի Բրուկլին թաղամասում բնակվող 2 երիտասարդ գյուտարարներ Դունկան Ֆրայզերն ու Սթիվ ՄըքԳեյնը ստեղծել են քնադիմակներ, որոնք հնարաովություն են տալիս մարդուն քնած ժամանակ կառավարել երազները, գրում է Daily Mail-ը:

Թեև նոր գյուտը` Remee-ն, արտաքուստ չի տարբերում քնելու սովորական դիմակից, այն զինված է հատուկ սարքով, որն օգնում է քնած մարդուն ղեկավարել իր երազները` ուղեղին «տեղեկացնելով», որ այն երազ է տեսնում:

Դիմակի ներսում տեղադրված են կարմիր լույս արձակող մի քանի դիոդներ, որոնք չափազանց թույլ են քնած մարդուն արթնացնելու համար, սակայն բավական ուժեղ` ուղեղի կողմից նկատվելու: Քնելուց հետո սարքն ամիջապես գործի չի անցնում.այն սկսում է գործել այն ժամանակ,երբ մարդը մոտ 4-5 ժամ անց մտնում է խորը քնի մեջ:

Ֆուտուրիստիկ նորարարության նպատակն է` հնարավորություն տալ մարդուն ընտրել իր երազները` սպորտային շքեղ մեքենա վարելուց մինչև Աբրահամ Լինքոլնի հետ ճաշելը` «հեռվում առկայծող կարմիր լույսերի ֆոնին»: Դրանք կստիպեն մարդուն հասկանալ, որ ինքն երազում է գտնվում և հնարավորություն կտան փոխել դրա ընթացքն ըստ իր ճաշակի:

Ֆրեյզերը նշել է, որ անձամբ օգտագործում է Remee-ն շաբաթվա ընթացքում մի քանի անգամ և նաև խոստովանում, որ իրեն միշտ չի հաջողվում ցանկալի արդյունքի հասնել: Քնադիմակի գինը 95 դոլար է:

Հարցեր, պատասխաններ, մեկնաբանություններ